EINDHOVEN
PSV emëron Schmidtin trajner të ri të skuadrës
11 March, 2020 @14:30
Kampioni i shumëfishtë i Holandës, PSV Eindhoven, ka zyrtarizuar trajnerin e ri të skuadrës, gjermanin Roger Schmidt.
Emri i gjermanit u lakua si opcion i mundshëm te Milani dhe Fenerbahçeja, ndërsa gjiganti holandez reagoi shpejt duke kapur trajnerin e kërkuar.
Në dhjetor të vitit 2019 PSV ndau rrugët me trajnerin Mark van Bommel dhe përkohësisht skuadrën e drejtonte Ernest Faber.
Trajneri 52 vjeç në karrierën e tij ka drejtuar Paderbornin, Bayer Leverkusenin, Salzburgun dhe Beijing Guoanin, ndërsa ka nënshkruar kontratë 2 vjeçare me ekipin holandez.