BERGAMO
Atalanta milionere me arritjen në çerekfinale
11 March, 2020 @14:49
Skuadra e Atalantës, që ka debutuar këtë stinor në Ligë të Kampionëve dhe ka arritur të befasojë të gjithë duke arritur në çerekfinale të garës, tashmë pritet të marrë një injeksion financiar nga UEFA-ja për këtë arritje.
Derisa për skuadrat më të forta evropiane, shuma nuk është kushedi sa, për Atalantën kjo do të jetë e jashtëzakonshme.
Calcio e Finanza ka bërë të ditur se ekipi nga Bergamoja deri tash do të duhet të pranojë nga UEFA-ja mbi 50 milionë euro për arritjet e saja në stinorin 2019/20 në Ligë të Kampionëve.
Kjo shumë pritet të rritet edhe më gjatë ndeshjeve të çerekfinales, për shkak të drejtave televizive.
Sipas rregullave, Atalanta ka siguruar 15 milionë euro vetëm me pjesëmarrje në fazën grupore të Ligës së Kampionëve. Pastaj kanë marrë 3.3 mln shtesë për renditjen historike në garat e UEFA-së. Me dy fitoret e një barazim, kanë siguruar 6.3 mln shtesë. Pas kësaj rrjedhin 9.5 mln euro tjera për kualifikim në fazën eliminatore të garës, e 10.5 tjera janë për sigurimin e njërit nga vendet në tetë ekipet më të mira të stinorit në Evropë.