Neymar ia bën sefte

Transferi më i madh i stinorit në Barcelonë, Neymar, më në fund ka shënuar në La Liga. Brazilianit të talentuar i janë dashur plotë gjashtë xhiro për të shënuar golin e parë në La Liga për klubin e tij të ri. 

Barcelona në fakt ka shënuar një fitore rutinore ndaj Real Sociedadit me rezultat 4-1. Përveç Neymarit në listën e golashënuesve janë shënuar edhe Lionel Messi, Sergio Busquets dhe Marc Bartra, derisa golin e vetëm dhe të nderit për baskët e shënoi Alberto De La Bella. 

Forma e dobët e Sociedadit ka vazhduar edhe në Camp Nou, pasi baskët në pesë ndeshjet e fundit në të gjitha garat nuk kanë shijuar fitoren. 

Në anën tjetër, kampioni spanjoll ka qenë i pamëshirshëm dhe për 23 minuta ka kryer dilemën e fituesit në ndeshje kur rezultati ishte veç 3-0. 

Kjo është fitorja e gjashtë me radhë pas gjashtë xhirove për katalonasit, të cilët po vazhdojnë ende rekordin prej pikëve maksimale në La Liga këtë stinor. 

Tabela aktuale dhe rezultatet.