NEYMAR
Neymar në Barcelonë!
25 May, 2013 @14:36
Sipas të përditshmes spanjolle të afërt me klubin katalonas, Barcelona ka arritur marrëveshje pas tre orësh negociata me Santosin për shërbimet e sulmuesit brazilian, Neymar.
Neymar i cili konsiderohet ndër talentët më të mëdhenjë të botës së futbollit sot, prej tash mund të konsiderohet si lojtar i ardhshëm i Barcelonës, pasi që në këtë insiston, El Mundo Deportivo.
Dy oferta në tavolinë, ajo e Real Madridit dhe Barcelonës, kanë bërë dramë të vërtetë te klubi brazilian, ku Neymar ka kontratë të veçantë për shkak të sponsorëve të shumtë si individ.
El Mundo Deportivo, më tej shkruan se sulmuesi brazilian 21 vjeçar ka nënshkruar kontratë pesëvjeçare me klubin katalonas.
Marrëveshja është arritur në orën 00:00 sipas kohës braziliane (që është gjashtë deri në tetë orë minus nga koha jonë lokale).
Neymar do të përfitojë 7 milionë euro në vjet te Barcelona, derisa katalonasve blerja e tij u ka kushtuar 50 milionë euro.
Tradita e Barcelonës për të rrëmbyer talentët më të mëdhenjë brazilian ka vazhduar me Neymarin, pas ish super yjeve si Romario, Ronaldo, Rivaldo dhe Ronaldinho.