Nis stinorin pa gjermanët

Arsenali nuk do të llogarisë në lojtarët gjermanë të tij në ndeshjen e xhiros së parë të stinorit të ri të Premier League. 

Pasi që FIFA i obligon klubet që të japin së paku 4 javë pushim pas Botërorit, lojtarëve pjesëmarrës në Botëror, treshja kampione: Per Mertesacker, Mesut Ozil dhe Lukas Podolski - do të kthehen shumë vonë në stërvitje të Topçinjëve. 

Sidoqoftë, trajneri i skuadrës Arsene Wenger, ka thënë se përkundër cilësisë së tyre dhe mungesës në stërvitjet për stinorin e ri - ai do të mund të llogaris në rast ekstrem vetëm te Mertesacker, derisa Ozil e Podolski me shumë gjasa do të pushojnë ndaj Crystal Palace në ndeshjen e 16 gushtit, kur nis Premier League. (soccerway)