TREPÇA
Një cikël pa fitore
30 October, 2016 @21:59
Me ndeshjet e zhvilluara sot, ka përfunduar xhiroja e XI në Superligën e Kosovës në futboll, apo thënë ndryshe, cikli i parë i kampionatit.
Pas 11 ndeshjeve të zhvilluara, vetëm një skuadër e Superligës ende mbetet pa e shijuar fitoren.
Është kjo skuadra e Trepçës, e cila ndryshe nga rivali lokal Trepça ‘89 që po renditet në pozitën e parë të radhitjes tabelare, po kalon në një periudhë tejet të vështirë.
Por, megjithëse Trepça është skuadra e vetme pa fitore në Superligë deri më tani, ajo prapëseprapë nuk gjendet në pozitën e fundit, të cilën e mban Hajvalia.
Trepça nga ndeshjet e deritashme ka nxjerrë nga një pikë nga Hajvalia, Besa, Gjilani, Ferizaj dhe Drenica, ndërsa në ndeshjet e tjera është ndarë kokëulur.
