VIDEO
Llullaku, dygolësh për fitore
30 October, 2016 @18:46
Sulmuesi në formë i kombëtares shqiptare, Azdren Llullaku, po vazhdon të tregojë formë të mirë me skuadrën e tij nga Rumania, Gaz Metan.
Llullaku sot ka shënuar dy gola për fitoren e Gaz Metanit me rezultat 3-1 ndaj ekipit Targu Mures.
Llullaku shënoi dy golat e para të ndeshjes në minutat 7’ dhe 31’, duke qenë vendimtar në fitoren e Gaz Metanit.
Me këta dy gola, Llullaku arrin në kuotën e 12 golave të shënuara në 14 ndeshje, duke mbajtur kryesimin në listën e golashënuesve në Rumani me katër gola më shumë se ndjekësi më i afërt.
