Njeriu që hyri në histori

Sulmuesi i përfaqësueses së Kosovës, Albert Bunjaku, është njeriu që hyri në histori të përfaqësueses tonë.

Në ndeshjen e parë si anëtare me të drejta të plota në UEFA dhe FIFA, që u zhvillua dje kundër Ishujve Faroe, Bunjaku e shënoi golin e parë për Kosovën.

Sulmuesi 32 vjeçar gjithashtu kishte shënuar edhe golin e parë për Kosovën në ndeshjet miqësore që ishin lejuar nga FIFA më 2014.

Përndryshe, Bunjaku aktualisht është edhe golashënuesi më i mirë në përfaqësuese me tre gola të shënuara, i ndjekur nga Mërgim Brahimi dhe Elbasan Rashani që deri më tani kanë shënuar nga dy gola.