Özil demanton mediat

Shumë media angleze, mes tyre edhe Sky Sports e Daily Mail, raportuan që marrëdhëniet mes mesfushorit Mesut Özil dhe trajnerit Arsene Wenger janë ftohur dukshëm, me gjermanin që ishte i pakënaqur me udhëheqjen që po i bëhet Arsenalit, duke marrë parasysh rënien e konsiderueshme të skuadrës pothuajse në të gjitha garat në muajin e fundit.

Madje Sky Sports raportoi që Özil do të largohet gjatë verës nëse Wenger nuk largohet. Mirëpo këto dolën të jenë thjesht thashetheme, me gjermanin që demantoi gjithçka në rrjetin social Twitter.

“Kam parë çfarë kanë shkruar mediat. Arsene Wenger ishte një arsye e madhe që ndikoi tek unë që të vija tek Arsenali. Kjo nuk ka ndryshuar.” -shkroi Mesut Özil në Twitter, duke shuar të gjitha zërat për një largim të mundshëm.