THE REDS
Origi, gati i Liverpoolit
7 July, 2014 @3:38
Skuadra e Liverpoolit është shumë afër që t’i kompletojë edhe dy transferime të tjera. Pas transferimit të futbollistëve si Adam Lallana, Emre Can dhe Rickie Lambert, të kuqtë janë shumë afër ta shtojnë në skuadrën e tyre edhe sulmuesin belg, Divock Origi, dhe mesfushorin serb, Lazar Markovic.
Sipas BCC-së, për dëmshpërblimin e Origit Liverpooli është pajtuar që t’i paguaj 10 milionë funte skuadrës së Lille-it, derisa për t’u kompletuar transferimi ka mbetur të diskutohet edhe paga javore e lojtarit.
Në anën tjetër, edhe bisedimet me Benfican për transferimin e Lazar Markovicit janë duke shkuar pozitivisht. Serbi 20 vjeçar pritet t’i kushtojë Liverpoolit diku rreth 25 milionë funte.
Shpenzimet për këta dy lojtarë pritet të mbulohen me shitjen e Luis Suarezit, për të cilin Barcelona ka ofruar 75 milionë funte.
Përveç tjerash, në planet e ekipit nga Anfield janë edhe mbrojtësi i Southamptonit, Dejan Lovren, si dhe sulmuesi kilian i Barcelonës, Alexis Sanchez.
