Ozil me asistime, Ramsey me gola

Lideri i ligës elite angleze të futbollit, Arsenal, ka arritur që të shënojë fitore ndaj Cardiff Cityt sot në Uells. 

Djelmoshat e Arsene Wengerit kanë vazhduar me lojën e mirë të tyre dhe thjeshtë, çdo ditë e më shumë po përparojnë drejt titullit që e kërkojnë me aq ngulm pas një dekade. 

Mesut Ozil ka qenë i pakapshëm sot për kundërshtarët e tij me vizionin e tij. Ai ka asistuar në dy golat e para të ekipit të tij në fitoren komode në fund prej 0-3. 

Aaron Ramsey, uellsiani i Arsenalit, ka shënuar dy herë derisa transferi i këtij stinori, Matthieu Flamini ka dhënë edhe një tjetër gol në fitoren e 10 të stinorit për topçinjtë.

Ndër ndeshjet tjera sot, edhe Everton ka shënuar fitore të rëndësishme dhe të lehtë ndaj Stoke Cityt në Godisson Park me rezultat 4-0. Gerard Deulofeu, Seamus Coleman, Bryan Oviedo dhe Romelu Lukaku kanë qenë shënues për ekipin e spanjollit Roberto Martinez, që për momentin e ngrit ata në vendin e katërt të tabelës.  

Rezultatet dhe tabela aktuale.