KROACIA

REUTERS

Pa Ademin në Brazil

14 May, 2014 @12:29

Tashmë të gjitha skuadrat kanë deponuar së paku listën provizionale të futbollistëve të cilët do të marrin pjesë në Kampionatin Botëror, Brazili 2014.

Të njejtën gjë e ka bërë edhe përzgjedhësi kroat, Niko Kovac, që morri drejtimin e ‘Të zjarrtëve’ në ndeshjet e barazhit, ku edhe siguroi biletën për Brazil.

Futbollisti me origjinë shqiptare i Kroacisë, Arijan Ademi, nuk është përfshirë në këtë listë, megjithëse gjatë ndeshjeve kualifikuese është grumbulluar disa herë me Kroacinë. Ademi ishte në listën e Kovacit për Brazil, sipas Foot Italia, të cilët shkruajnë kështu, mirëpo në të vërtetë ai nuk është, pasi që këtë e kanë mohuar mediat kroate. (shihni fotografinë e Foot Italia ku Ademi është i përfshirë në listë).

“Jemi të lumtur që jemi pjesë e Botërorit. Do të shkojmë në Brazil për të dhënë më të mirën nga vetja,” tha përzgjedhësi Kovaç me rastin e prezentimit të ekipit të tij.

Në listën e Kovacin, ndër tjerash gjenden edhe dy brazilianët, mesfushori Sammir i Getafes dhe sulmuesi Eduardo i Shakhtarit.

Përfaqësueset pjesëmarrëse në Botëror kanë qenë të obliguara që të paraqesin së paku listën prej 30 futbollistëve deri më datën e djeshme, ndërsa më së largu deri më 2 qershor duhet të shpallin udhëtarët definitiv duke eliminuar 7 futbollistë.

Kroacia gjendet në grupin A së bashku me Brazilin, Meksikën dhe Kamerunin.

KROACIA NË BRAZILI 2014:

Portierë:	Stipe Pletikosa (Rostov), Danijel Subašić (Monaco), Oliver Zelenika (Lokomotiva Zagreb)
Mbrojtës:	Darijo Srna (Shakhtar), Dejan Lovren (Southampton), Vedran Ćorluka (Lokomotiv Moscow), Gordon Schildenfeld (Panathinaikos), Danijel Pranjić (Panathinaikos), Ivan Strinić (Dnipro), Domagoj Vida (Dynamo Kiev), Šime Vrsaljko (Genoa), Igor Bubnjić (Udinese)
Mesfushorë:	Luka Modrić (Real Madrid), Ivan Rakitić (Sevilla), Niko Kranjčar (QPR), Ognjen Vukojević (Dynamo Kiev), Ivan Perišić (Wolfsburg), Mateo Kovačić (Internazionale), Milan Badelj (HSV), Ivo Iličević (HSV), Marcelo Brozović (Dinamo Zagreb), Ivan Močinić (Rijeka), Mario Pašalić (Hajduk Split), Sammir (Getafe)
Sulmues:	Mario Mandžukić (Bayern Munich), Ivica Olić (Wolfsburg), Eduardo Alves da Silva (Shakhtar), Nikica Jelavić (Hull City), Ante Rebić (Fiorentina), Duje Čop (Dinamo Zagreb)