Panucci: Të koncentruar 95 minuta

Përzgjedhësi italian i kombëtares shqiptare, Christian Panucci, në konferencën për shtyp para ndeshjes ndaj Maqedonisë, ka thënë se kuqezinjtë duhet të jenë të koncentruar për 95 minuta në këtë ndeshje.

“Nëse luajmë 30 minutat e para si kundër Lihtenshtajnit, do të kemi probleme të mëdha. Nuk kemi qenë në nivel në ndeshjen e kaluar, për këtë  ndaj Maqedonisë duhet të jemi të koncentruar për 95 minuta dhe të shënojmë fitore,” ka thënë Panucci.

TABELA AKTUALE DREJT RUSIA 2018

Për më tepër, Panucci është pyetur, po t’i servohej barazimi tash, a do ta kishte nënshkruar atë.

“Jo. Dua fitore,” ka thënë ai.

Panucci më pas ka lëvduar kapitenin e Maqedonisë, Goran Pandev, por ka theksuar se nuk do të ketë ndonjë tretman special në ndeshje përkundër përvojës që ka. Derisa ka theksuar se është i lumtur me kthimin e Armando Sadikut nga lëndimi.