PSG
Parisi zyrtarizon trajnerin e ri
14 May, 2018 @18:13
Është zyrtarizuar trajneri i ri i PSG-së.
Bëhet fjalë për gjermanin Thomas Tuchel, ish-trajnerin e Mainzit dhe Dortmundit, i cili që nga fillimi i ardhshëm do të jetë drejtues i kampionit në fuqi të Francës.
Lajmi u bë i ditur sot, ndërsa kontrata e trajnerit në fjalë do të jetë 2-vjeçare.
Deri më tash, Parisi ishte i drejtuar nga Unai Emery, i cili fitoi 3 trofetë e mundshëm në Francë këtë sezon, mirëpo dështimi në Champions League bëri që ai të shkarkohet, duke na bërë me dije që emërimi i Tuchelit nga krerët e klubit francez ka një qëllim të vetëm, triumfin e Parisit në Champions League sezonin e ardhshëm.
