Pas Cristianos, edhe një madrilen te Juve?

Mediat italiane po vazhdojnë të shkruajnë se pas Cristiano Ronaldos, edhe një madrilen do të arrijë në Juventus.

Fjala është për mbrojtësin brazilian, Marcelo, i cili pritet të zëvendësojë Alex Sandron, që do të merr rrugë drejt Paris St Germainit, shkruan Football Italia sot.

Paris United ndërkaq, ka shkruar se Alex Sandro ka arritur marrëveshje me PSG-në, ndërsa tash është radha për të bindur Juventusin për dëmshpërblim, që besohet se s’do të jetë problem për pronarin milioner të parisienëve.

Në anën tjetër, largimi i Marcelos nga Real Madrid duket shumë i mundshëm, pasi që dihet se dyshja janë shokë shumë të mirë dhe se me arritjen e Cristianos në Torino, edhe Marcelo do të pranojë të jetë aty.