FA CUP
Pedro e Costa shënojnë, Chelsea kualifikohet
18 February, 2017 @20:22
Pas disa befasive që ndodhën sot në FA Cup, diçka të ngjajshme nuk ka lejuar Chelsea i Antonio Contes.
Në ‘Molineux Stadium’ të Wolverhamptonit, Chelsea e mposhti Wolvesin me rezultat 0-2, për t’u kualifikuar në çerekfinale të FA Cup.
‘Ujqit’ zhvilluan një pjesë të parë shumë të mirë, në të cilën e goditën shtyllën një herë dhe ishin pranë golit, mirëpo Chelsea nuk lejoi befasi dhe përmes golave të Pedros dhe Diego Costës e fitoi ndeshjen dhe e siguroi kualifikimin.
Përveç Chelseat, deri më tash kalimin në çerekfinale e kanë siguruar edhe Middlesbrough, Millwalli dhe Lincoln City.
