Penalltia e Mahrezit, lë Liverpoolin pa humbje

Dueli më interesant i xhiros në Premier Ligë ka përfunduar pa fitues, ndërsa Liverpool dhe Manchester City janë ndarë baraz, pa gola në Anfield Road, 0-0.

Algjeriani Riyad Mahrez ka pasur rastin më të mirë në ndeshje, kur në minutën e 86-të të ndeshjes u gjend 11m përballë Alissonit, pasi që City kishte fituar penallti, pasi që Virgil van Dijk kishte rrëzuar në zonë Leroy Sanen.

TABELA AKTUALE

Por, shuti i algjerianit përfundoi lartë mbi portë dhe kështu, goli nuk erdhi në ndeshje, derisa ekipet ndanë pikët e Liverpool në anën tjetër vazhdon pa humbje.

Kreu i tabelës në Premier Ligë tash ka 3 skuadra me nga 20 pikë, të cilat janë renditur si në tabelë, vetëm në saje të golave të shënuara.