GRUPI H: JUVE - UNITED
Përmbysje dhe festë angleze në Torino
7 November, 2018 @23:10
Me fitoren e Manchester United u mbyll dueli i sontëm i zhvilluar në Torino mes Juventusit vendas dhe skuadrës së drejtuar nga Jose Mourinho.
Përkundër faktit që Juventus ishte skuadër më e mirë gjatë shumicës së kohës dhe avancoi me një gol maestral nga Cristiano Ronaldo, dy zëvendësime të qëlluara nga Jose Mourinho, inkuadrimi i Juan Matas dhe Marouane Fellainit, ndryshuan gjithçka. Fillimisht spanjolli shënoi nga gjuajtja e lirë për 1-1, e më pas belgu pati rol në autogolin e italianëve për 1-2 dhe ndeshja u mbyll me fitoren e ‘Djajve të Kuq’.
Në ndeshjen tjetër të Grupit H, Valencia mposhti me rezultat 3-1 Young Boysat, për të mbetur në lojë për kualifikim tutje.
Në ndeshjet tjera të natës, Bayerni fitoi 2-0 ndaj AEK-ut e Benfica dhe Ajaxi barazuan 1-1 në Grupin E, City mposhti 6-0 Shakhtarin, kurse Lyon e Hoffenheim barazuan 2-2 në Grupin F, përderisa në Grupin G, Reali mposhti Plzenin 0-5 e Roma e mposhti CSKA-në e Moskës 1-2.
