Përmbysje e pabesueshme! Franca në finale

Dy golat e shënuara të Belgjikës në pjesë të parë të ndeshjes dukej se do t’i çonin në finale të përzgjedhurit e Roberto Martinezit.

Fillim i shpejtë belg, ndaj një France të nisur si në huti. De Bruyne paralajmëroi furinë belge në fillim me një rast të rrezikshëm. Nuk vonoi goli.

Derisa Yannick Carrasco dhe Romelu Lukaku, pas asistimeve të Kevin De Bruynes kishin shënuar për epërsinë 2-0 në 45-minutat e para, gjithçka pritej të jetë kaluese për belgët.

E mënyra se si Franca hyri në pjesë të dytë dhe loja e mesit të fushës udhëhequr nga Paul Pogba si dhe sulmi atomik me Antoine Griezmannin kotribues, ndërsa Benzemanë vrasës - kreu punë.

Por, kështu nuk menduan trekolorët, që hynë në pjesë të dytë furishëm dhe atë me dyshen Karim Benzema e Kylian Mbappe të pandalshëm, barazuan rezultatin në 2-2.

E Lukaku shënoi edhe njëherë, por u anulua goli i tij për shkak të pozitës jashtë loje, pas rishikimit në VAR. Drama nuk përfundoi këtu. Derisa bëheshin llogaritë për vazhdime, një rast i mirë dhe gol.

Krejt në fund, tragjike për belgët, fascinante për francezët, Theo Hernandez shënoi — golin e parë të tij për kombëtaren — bukur për fitore dhe për të siguruar finalen e Francës ndaj Spanjës në edicionin e dytë të Ligës së Kombeve me rezultatin përfundimtar 2-3 [Carrasco 37, Lukaku 40 - Benzema 62, Mbappe 69, Theo 90].

Finalja e madhe e Ligës së Kombeve luhet të dielën me fillim prej orës 20:45 në Milano (San Siro), ku takohen Spanja e Franca.

Paraqitje për kujtim e Francës, që nuk harrohet, derisa rikthimi i madh ndaj Belgjikës, të parë në renditjen e FIFAs ka qenë vështirë e paramendueshme edhe për kampionin aktual të botës.

Pas ndeshjes, sulmuesi i PSG-së Kylian Mbappe ka marrë çmimin e lojtarit më të mirë të ndeshjes nga UEFA.