Përshëndetet me trofe

Omar Gonzalez dhe Landon Donovan shënuan brenda pesë minutave një pas një për të përmbysur epërsinë e Houston Dynamo dhe për të fituar Kupën e MLS (Liga Amerikane Profesionale e Futbollit).

Dy herë kampioni

Ndërsa me një penallti në minutën e fundit të realizuar nga Robie Keane, ekipi i Los Angeles Galaxy që u bë i njohur botërisht me ardhjen e David Beckhamit aty, u përcaktua rezultati përfundimtar i finales, 3-1.

Fitorja, para stadiumit të stërmbushur Home Depot Center, e bën Beckhamin të kthehet nga MLS si dy herë kampion.

Houston Dynamo i cili kishte eliminuar ekipin e Hamdi Salihit DC United në finale të Konferencës Lindore, kaloi në epërsi nëpërmjet Calen Carr në pjesën e parë. Mirëpo ekipi i Beckhamit në pjesën e dytë përmbysi gjithçka për të marrë trofeun më të madh të futbollit amerikan.

Rekorderët

Me këtë fitore, sulmuesi i njohur amerikan që shumëherë ka luajtur për Evertonin, Landon Donovan, ka arritur rekordin prej 5 titujve të fituar si futbollist, derisa trajneri i LA Galaxy, Bruce Arena, ka arritur rekordin prej katër titujve, të MLS. 

REZULTATI DHE GOLASHËNUESIT E FINALES:

Los Angeles Galaxy - Houston Dynamo 3-1 (Gonzalez 60, Donovan 65, Keane 90 - Carr 44)