Picassoja i futbollit

Dje, gati të gjitha të përditshmet gjermane u morrën me rekordin e Lionel Messit. Argjentinasi që shënoi golin e 86-të në një vit kalendarik e theu rekordin e legjendës gjermane Gerd Muller prej 85 golave që qëndronte që nga viti 1972.

Bild doli me titull, “Messi then rekordin e Mullerit”, duke vazhduar më tej se “nuk ka kufi ku ai nuk mund të prekë pas kësaj”.

Sportivja Kicker në ballinë shkruante “Messi rishkruan historinë”. Pastaj Suddeutsche Zeitung e përshkroi Messin me, “Picasso i futbollit, jashtëtokësor, Mesia dhe Zoti që vesh fanellën e Barçës.”

Pas kalimit të legjendës braziliane Pele në fillim të nëntorit, tashmë ai kaloi edhe rekordin që ishte i pathyeshëm për gati 40 vjet, përfundoi SZ.