Podolski te Interi!

Inter pritet të përforcohet në afatin kalimtar të janarit me sulmuesin gjerman të Arsenalit, Lukas Podolski. 

Sipas Corriere dello Sport, marrëveshja mes Interit dhe Arsenalit është arritur për huazimin e lojtarit dhe kanë mbetur vetëm disa detaje në kontratë për tu zyrtarizuar kalimi. 

Detajet e vetme të paplotësuara në kontratë janë: Inter ta ketë opcionale blerjen e Podolskit pas përfundimit të stinorit 2014/15 ose Inter ta blejë patjetër futbollistin nga Arsenali në fund të stinorit. 

Nëse Inter nënshkruan që ta blejë Podolskin në fund të stinorit ai do t’i kushtojë 5 deri në 6 milionë euro. Ndërsa nëse e lë opcionalen pas përfundimit të stinorit Arsenal do të kërkojë 8 milionë euro, ka bërë të ditur gazeta italiane në fjalë.