Prishtina fiton në tavolinë Trepçën

Prishtina ka arritur të shënojë fitore ndaj Trepçës - në tavolinë. Ndeshja e ndërprerë e fundjavës që shkoi është regjistruar nga Federata e Futbollit të Kosovës me rezultat 3-0 në të mirë të kryeqytetasve që nuk dinin për fitore në stadiumin e Trepçës me dekada. 

“Pas administrimit të të gjitha provave dhe raporteve e shkresave nga personat zyrtar, vërtetoi se shkak i ndërprerjes së kësaj ndeshje ishte hyrja e shikuesve vendas në fushë më ç’rast krijohet një pasiguri e madhe për vazhdimin e ndeshjes konform rregullave të lojës së futbollit, si dhe fillimi i konfrontimit më shikuesit e ekipit mysafir në anën tjetër të stadiumit,” thuhet ndër të tjera në Arsyetimin e Komisarit të Garave të Superligës pranë FFK-së, Ismet Ahmetit. 

Trepça ka të drejtë të ankohet në afat 8 ditësh prej pranimit të Vendimit. 

REZULTATET, TABELA AKTUALE DHE NDESHJET E RADHËS