CHAMPIONS
REUTERS/Christian Hartmann
PSG kërkon rezultat
2 April, 2013 @9:01
Sikurse Barcelona, ashtu edhe Paris St Germain, në kampionatet vendase nuk kanë ndonjë gajle të madhe, pasi që vendet e dyta janë larg tyre dhe mund të marrin frymë lehtë.
Progresi i Paris St Germainit në çerekfinale të Ligës së Kampionëve u arrit me fitore në Mestalla ndaj Valencias, derisa në Parc des Princes, rezultati ishte i barabartë.
Me uljen e dënimit për karton të kuq ndaj sulmuesit, Zlatan Ibrahimovic, ekipi i Carlo Ancelottit ka filluar të sheh ndryshe këtë përballje.
Ibrahimovic mund të luaj sonte ndaj ish ekipit të tij ku kaloi stinorin 2009/10. E në anën tjetër, i rikthyeri, Tito Villanova, trajner i Barcelonës, do të ketë punë të vështirë ta ndalë suedezin gjigand, pasi që përveç tjerash edhe e njeh ekipin por edhe lojtarët.
Sikurse që do të ketë mbrojtja e katalonasve problem me Ibrahimovicin, ashtu edhe parisienët do të duhen të mbrohen nga Lionel Messi, që është në formë jetësore. Argjentiasi është i pandalshëm në çdo aspekt dhe është i urritur për trofeun e Ligës së Kampionëve.
PSG ka në ekip plotë yje dhe përkundër të gjithave do të dojë të regjistrojë një rezultat të favorshëm sonte, pasi që në Camp Nou, Barcelona po shihet si e pakalueshme.
CHAMPIONS LEAGUE, SONTE:
| 20:45, Parc des Princes, Paris | Paris St Germain - Barcelona | Gjyqtar kryesor: Wolfgang Stark |
KUOTAT E WILLIAM HILL:
| 1 | PSG fiton - 5.00 | Barazim - 3.9 | Barcelona fiton - 1.75 |
