Ramadani nis me derbi te Feronikeli

Feronikeli për herë të parë këtë stinor në fushë do të dalë me trajnerin e ri të ekipit, Zekirija Ramadani, që u emërua në krye të shtabit teknik, disa ditë më parë, pas dorëheqjes befasuese të Gani Sejdiut.

Feronikeli pret Dritën sot në Rexhep Rexhepi të Drenasit në një ndeshje që pritet të jetë më interesantja e ditës, pasi që të dyja skuadrat po kërkojnë kreun e tabelës dhe po luftojnë për pikë të plota.

TABELA AKTUALE

Në xhiron e fundit, të dyja skuadrat kanë barazuar në derbit e shkuara. Feronikeli barazoi si mysafir me Prishtinën 0-0, ndërsa Drita me Gjilanin 1-1.

Feronikeli me fitore mund të dalë prej pozitës së tetë në të tretën, ndërsa Drita me fitore mund të bëhet ndjekësja më e afërt e Llapit lider.