Ramos në dokumentar: Kemi vuajtur nga Messi

Kapiteni i Real Madridit, Sergio Ramos, beson se po të mos ishte Leo Messi te Barcelona, ekipi i tij do të fitonte shumë më shumë tituj në vitet e kaluara.

Ramos ka pranuar se Messi ka bërë që Real Madridi të vuajë në vitet e kaluara dhe argjentinasi ka qenë “telash” i vërtetë për los Blancos.

“Kemi vuajtur nga Messi gjatë viteve të kaluara. Ndoshta, mos ta kishte pasur atë Barcelona ne do të fitonim shumë më shumë tituj. Kemi pasur Barcelonën më të mirë në histori dhe Jose Mourinhon trajner, por ka qenë jashtëzakonisht vështirë. Ne atëherë nuk fitonim shumë dhe kjo shkaktonte tension te secili,” është cituar të ketë thënë Ramos në dokumentarin “The Legend of Sergio Ramos” shkruan Goal.com sot.