MILOT RASHICA
Rashica rrëzon liderin nga Kupa, arrin gjysmëfinalen
26 January, 2017 @22:37
Lideri i kampionatit holandez, Feyenoord, është eliminuar nga Kupa e Holandës, duke u mposhtur nga ekipi i Milot Rashicës, Vitesse, me rezultat 2-0, për ta shkruar emrin në gjysmëfinale.
Vushtrriasi luajti deri në minutën 88’ dhe ishte ndër më të dalluarit në fushë duke treguar rrezikshmëri sidomos me kundërsulme, ndërsa goli i dytë i Vitesses erdhi si rrjedhojë e aksionit të filluar nga vet Rashica.
Rashica është futbollisti i vetëm kosovar që ka arritur të mbijetojë deri më tani në Kupën e Holandës, pasi që më parë nga kjo garë ishin eliminuar Arbër Zeneli me Heerenveenin dhe Bersant Celina me Twenten.
