Reali me mungesa, Sevilla e gatshme

Me fillim në ora 20 e 45 në stadiumin e Rosenborgut në Trondheim të Norvegjisë, Real Madrid (fitues i fundit i Ligës së Kampionëve) dhe Sevilla (fitues i fundit i Europa Ligës) ndeshen për të përcaktuar triumfuesin e Superkupës europiane në futboll.

Real Madrid nuk do të ketë në dispozicion dy yjet e ekipit, dy transferet më të shtrenjta të ekipit, Cristiano Ronaldo dhe Gareth Bale, pasi që janë në pushime të zgjatura.

Sidoqoftë, deklarata e Zinedine Zidane para ndeshjes ka qenë e qartë.

“E vetmja brengë më është nëse jemi të gatshëm fizikisht për ndeshje. Po, jemi gati,” ka thënë Zidane, për të bërë të ditur se ekipi nuk ka kurrëfarë problemi para duelit ndaj andaluzianëve.

Në anën tjetër, te Sevilla nis një epokë e re pas largimit të Unai Emeryt drejt Paris St Germainit. Ish-trajneri i Kilit, Jorge Sampaoli do të drejtojë ekipin për herë të parë në një ndeshje garuese.

“Stilit të ri të lojës i duhet ende kohë që të shtrohet mirë në ekip. Madridi ka pasur përgatitore shumë të mira. Ndërsa ne besojmë që të hyjmë në ndeshje me dëshirë të madhe për fitore duke respektuar shenjën dhe ngjyrat e klubit,” ka thënë Sampaoli, që për herë të parë në karrierë do të jetë pjesë e një finaleje ekipore europiane.

Real Madrid e ka fituar dy herë në histori Superkupën europiane, ndërsa Sevilla një herë.

Ndërsa dy ekipet spanjolle, që janë mësuar në temperatura të larta pranë Mesdheut, do të kenë nevojë që të përshtaten në temperaturat e ulëta të Veriut europian në Norvegji.

Referi kryesor i ndeshjes do të jetë serbi 43 vjeç, Milorad Mazic (lexo: Mazhiç), që po vlerësohet shumë nga UEFA-ja në këto dy vitet e fundit.

Formacionet e mundshme:

FITUESIT E VITEVE TË FUNDIT: