JESE NË PARIS
Zyrtare: Parisi merr sulmuesin e Realit
8 August, 2016 @13:48
Në këto momente kampionja e shumëfishtë e Francës, Paris St Germain, ka zyrtarizuar Jese Rodriguezin si lojtar të ri në ekip.
“PSG është i lumtur që të njoftojë se ka kompletuar transferimin e Jese Rodriguez Ruizit nga Real Madridi. Ai ka nënshkruar kontratë 5 vjeçare me ekipin tonë, që skadon më 30 qershor 2021,” ka shkruar njoftimi i ekipit parisien.
Paris St Germain ka nisur stinorin me trofe, pasi që mposhti Lyonin në luftë për Superkupën franceze.
Këtë stinor Paris St Germain po drejtohet nga trajneri spanjoll, Unai Emery.
Ky është transferi i pestë i kësaj vere për parisienët, pas Hatem Ben Arfa, Grzegorz Krychowiak, Thomas Meunier dhe Giovani Lo Celsos.
