PAUL POGBA
Pas mesnate e zyrtarizuan
9 August, 2016 @8:23
Manchester United pas mesnate ka zyrtarizuar rekord transferin botëror, Paul Pogba.
Saga verore e futbollit, ka përfunduar ‘lumtur’ për ekipin e Jose Mourinhos, ndërsa Paul Pogba, 23 vjeç, është bërë lojtari për të cilin është paguar dëmshpërblim më i madh në historinë e futbollit modern.
United besohet të ketë paguar 105 milionë euro për ish-lojtarin e tyre, që iu dha Juventusit thuajse falas 4 vite më parë.
“Më duket se isha në një pushim të gjatë dhe u ktheva në shtëpi. Jam i lumtur që u ribashkova me ekipin. Mezi pres të punoj nën urdhërat e Jose Mourinhos,” ka thënë ndër të tjera Pogba për faqen zyrtare të ekipit nga Old Trafford.
