GOLASHËNUESI
Rexha feston me gola
27 September, 2013 @15:44
Kastriot Rexha, i cili sot ka mbushur të 25-tat e tij, me ditëlindje do të festojë edhe lidershipin në listën e golashënuesve të Superligës së Kosovës në futboll.
Ai me dy golat e tij në ndeshjen e djeshme Drita-Trepça ‘89, ku ekipi i tij u mposht 4-2 ka arritur që të ngritet në maje të shënuesve të Superligës së Kosovës, duke lënë pas tij Shkëmbim Salihun e Ferizajit, Leutrim Pajazitin e Dritës dhe Shqipërim Kelmendin, gjithashtu të Dritës.
Në fakt Rexha golin e parë të tij e regjistroi që në xhiron e parë, kur Trepça ‘89 mposhti Ferronikelin si mysafir, por prej atëherë kaloi një kohë shterpësie deri në xhiron e kaluar kur shënoi dy e dje me dy të tjera arriti në maje.
Rexha stinorin e kaluar luajti për Vllazninën e Shkodrës në Kategorinë Superiore të futbollit shqiptar. Në Shqipëri ai shënoi pesë gola në 20 ndeshje sa u paraqit.
TOP Golashënuesit pas 7 xhirove:
| 1 | Kastriot Rexha | Trepça 89 | 5 gola | |
| 2 | Shkëmbim Salihu | Ferizaj | 4 gola | |
| 3 | Leutrim Pajaziti | Drita | 4 gola | |
| 4 | Shqipërim Kelmendi | Drita | 4 gola | |
| 5 | Mentor Zhdrella | Hysi | 3 gola | |
| 6 | Burim Shala | Fushë Kosova | 3 gola | |
| 7 | Fatih Karahoda | Ferronikeli | 3 gola | |
| 8 | Florent Sejdiu | Trepça | 3 gola | |
| 9 | Semir Zeneli | Llamkos Kosova V. | 3 gola |
