Rezultat i njohur!

Skuadra e cila e ditë më parë e siguroi titullin e kampionit në Gjermani, Bayern Munchen, nuk di të ndalet.

Gjiganti bavarez e mposhti Hannoverin me rezultat të thellë 6-1, rezultat ky identik sikur i ndeshjes katër ditë më parë ndaj Wolfsburgut, e cila ishte në kuadër të gjysmëfinales së Kupës së Gjermanisë.

‘Repriza’ e rezultatit të ndeshjes me Wolfsburgun filloi me autogolin e mesfushorit të Hannoverit, Lars Stindl (16’), derisa me golat e shënuar nga Franck Ribery (23’) dhe Mario Gomez (40’), bavarezët shkuan të rehatshëm në zhveshtore pranë rezultatit 0-3.

Në pjesën e dytë makineria e golave të Bayernit vazhdoi të punojë. Mario Gomez (62’) dhe Claudio Pizarro (71’, 86’) shënuan golat e tjerë për Bayernin, derisa Andre Hoffman (84’) realizoi golin e nderit për vendasit.

Xherdan Shaqiri në këtë ndeshje luajti vetëm në pjesën e dytë, pasi e zëvendësoi gjermanin Thomas Muller.

Tabela aktuale në Bundesligë.