Rroga: 9 milionë €

Mesfushori gjerman, Sami Khedira, nuk e ka problem që ta lë kampionin aktual të Europës, Real Madridin për Arsenalin. 

Mirëpo, ai ka kërkuar nga drejtuesit e klubit londinez që t’ia sigurojnë rrogën prej 9 milionë eurove në vjet, ka njoftuar La Sexta sot, transmeton Goal.com. 

Arsenal është tejet i interesuar që të bëj një Gjermani të vogël në ekip, pasi që në bord ka Per Mertesacker, Mesut Ozil dhe Lukas Podolskin. 

Real Madrid dhe Arsenal kanë rënë në ujdi për çmimin e mesfushorit që përflitet të jetë rreth 30 milionë eurove, por vetë lojtari kërkon rekord pagë për të qenë pjesë e ekipit nga Emirates. 

Në anën tjetër, nëse Real Madrid nuk arrin ta shesë këtë stinor Khediran, ai stinorin tjetër do të jetë lojtar i lirë.