RVP ia mohon fitoren Chelseat

Lideri i Premier Leagues, Chelsea, megjithëse ishte shumë afër fitores, në fund u nda vetëm me një pikë nga dueli kryesor i javës, ku u përball me Manchester Unitedin në stadiumin e Old Traffordit.

Londinezët kaluan të parët në epërsi në minutën 53’ me golin e veteranit afrikan, Dider Drogba, që e shënoi golin e tij të parë në këtë stinor në Premier League.

Kur të gjithë pritnin se loja do të përfundojë me këtë rezultat, në skenë doli holandezi Robin van Persie, i cili u gjend më së miri para portës së portierit Courtois, pas një tollovie të krijuar brenda zonës së rreptësisë nga një goditje e lirë.

Në minutën 90’ serbi Branislav Ivanovic e la Chelsean me një lojtar më pak pasi u ndëshkua me kartonin e dytë të verdhë, e më pas edhe me të kuqin.

Adnan Januzaj ishte titullar në këtë takim dhe luajti gjatë gjithë ndeshjes.

Rezultatet dhe tabela aktuale.