WESLEY SNEIJDER
Sampdoria ideale për Sneijderin
1 July, 2017 @19:14
Agjenti i Wesley Sneijder siguroi se Sampdoria është “klubi ideal për të”, por trajneri Marco Giampaolo mbetet ende i pabindur.
Holandezi pritet të përfundojë kontratën e tij te Galatasaray me pëlqimin e përbashkët të martën, sipas Sky Sport Italia, ku do të zgjedhë midis Sampdorias dhe Ligës Amerikane, MLS.
“Thjesht i thashë atij se Sampdoria do të ishte vendi dhe klubi ideal për të provuar se ai a është ende lojtari i njëjtë i tripletës në Inter,” tha përfaqësuesi Guido Albers për gazetën Secolo XIX.
“Nëse lojtarët si Ruud Gullit, Antonio Cassano dhe madje edhe Samuel Eto’o erdhën këtu, të gjithë lojtarë të mirë, kjo sepse është vendi ideal për të lulëzuar”.
Megjithatë, raportet italiane vazhdojnë të sugjerojnë që trajneri Giampaolo po e ndal transferimin, sepse ai nuk është i sigurtë që Sneijder mund të përshtatet taktikisht në projektin e tij.
Kjo është për shkak se tashmë ekziston një marrëveshje me Fiorentinën për anësorin e tyre Josip Ilicic.
