Schalke blen Santanën

Qendërmbrojtësi brazilian i Borussia Dortmund, Felipe Santana, ka kaluar në radhët e rivalit më të madh të tyre, Schalke 04. Kështu ka njoftuar pak më parë faqja e nënkampionit të Bundesligës. 

Santana, i cili erdhi në Dortmund pesë vite më parë nga Figueirense, pas 95 paraqitjeve në Bundesligë (6 gola) dhe 10 paraqitjeve në Ligë të Kampionëve (1 gol) ka vendosur që të shkojë te rivali i përbetuar i klubit të tij të deritashëm, me të cilët ka lidhur kontratë deri më 30 qershor të vitit 2016. 

Santana ka falenderuar klubin dhe tifozët për pesë vite të mrekullueshme të kaluara dhe ka arsyetuar vendimin e tij se dëshiron të jetë lojtar titullar në një ekip ashtu që të plotësojë ëndrrën e tij - të luaj një ditë me përfaqësuesen braziliane.