Seniorët në bojkot për shkak të rrogave, Vëllaznimi me juniorë në fushë

Prej se trajneri Granit Begolli dha dorëheqje “për arsye personale” te Vëllaznimi u kuptua që nuk kishte mjete për t’i paguar lojtarët.

E sot, skuadra ka bërë të ditur se as sot futbollistët e ekipit të parë nuk do të dalin në fushë për shkak të bojkotit.

E në përballjen që skuadra gjakovare do ta luajë sot ndaj Trepcës në fushë do të dalin futbollistët junior të skuadrës.

TABELA AKTUALE

“KF Vëllaznimi sot do të paraqitet me junior, pasi që ekipi i parë është në bojkot për herë të tretë gjatë dy muajve dhe nuk kanë pranuar që ta zhvillojnë ndeshjen,” ka qenë njoftimi i lëshuar pak më parë nga klubi kuqezi.

Përndryshe Vëllaznimi kishte start brilant në Ligë të Parë Grupi A, deri në fazën e lartëcekur. Ekipi përkundër të gjithave, ende nuk ka pësuar humbje këtë stinor dhe ka 21 pikë duke realizuar pesë fitore e gjashtë barazime nga 11 xhirot e para të stinorit.