DRENASI 0-3 ONIX
Onix shpërthen në pjesë të dytë, përforcohet në pozitë të tretë
6 November, 2021 @20:13
Pas pjesës së parë të qetë në Drenas, skuadra mysafire e Onixit ka shpërthyer në pjesë të dytë për të shënuar fitore bindëse ndaj Drenasit 0-3 [Madi Fatty 49, 90+3, Florent Rexhaj 82].
Kjo ka qenë fitorja e parë e Onixit pas tre xhirove, ndërsa ekipi i Drenasit ka pësuar për herë të gjashtë këtë stinor.
Pjesa e parë e ndeshjes ishte kryesisht e barabartë dhe pa rrezikime të tepërta të portave, ndërsa pas golit të shpejtë në hyrje të pjesës së dytë nga Fatty, Onix ruajti epërsinë dhe duroi minutat në vazhdim, për të bërë edhe një shpërthim me kundër-zbritje me dy gola të radhës për përfundimtaren 0-3.
Onix me këtë fitore ruan pozitën e tretë në renditje, të sigurtë edhe për një xhiro aty, ndërsa Drenasi tash varësisht nga rezultatet e dueleve që luhen nesër, mund të bie edhe më poshtë sesa pozita e gjashtë ku është tani.
