Fantasy TopSporti
Të gjitha lajmet
Tabelat dhe Rezultatet

MALISHEVA 0-1 LLAPI

Forma e Llapit vazhdon, e pesta në gjashtë të fundit

Forma e Llapit vazhdon, e pesta në gjashtë të fundit


6 November, 2021 @17:28

Llapi ka vazhduar formën e mirë të kapur së fundi në Superligë, ndërsa me fitoren e sotme ndaj Malishevës si mysafir, ekipi i Tahir Batatinës ka shënuar të pestën në gjashtë ndeshjet e fundit.

Malisheva vendase është mposhtur në fund të ndeshjes nga Llapi, kur mysafirët kanë marrë epërsinë përmes autogolit të A Hotit, gjashtë minuta para fundit të ndeshjes, për përfundimtaren Malisheva 0-1 Llapi [A. Hoti 84].

Përndryshe, ky është autogoli i dytë rresht i Hotit, pasi që njëjtë pafat ishte edhe në xhiron e kaluar, për të fituar Drita.

TABELA AKTUALE

Me këtë fitore podujevasit kanë vazhduar ecurinë e tyre thuajse perfekte në xhirot e fundit dhe qëndrojnë mirë në mes të renditjes tabelare, duke mos u shkëputur shumë nga kryesuesit e renditjes.

E në anën tjetër, pas startit të mirë që kishte, Malisheva ka vazhduar formën e dobët duke pësuar për të gjashtën herë në shtatë ndeshjet e fundit të kampionatit.


 
Të gjitha lajmet nga FFK Superliga