Sevilla, bën hap të madh drejt finales

Në derbin spanjoll të Europa League, Sevilla, ka arritur që të mposht Valencian 2-0 në ndeshjen e parë gjysmëfinale të zhvilluar në Ramon Sanchez Pizjuan. 

Treminutëshi fatal për ekipin e Valencias ka ardhur nga minuta e 33-të në të 36-tën e takimit, kur vendasit kanë arritur që të shënojnë dy herë nëpërmjet Stephane M’Bia dhe Carlos Bacca për të bërë hapin e madh drejt finales së kësaj gare. 

Përkundër se ngritja e madhe e ‘lakuriqëve’ në pjesën e dytë të ndeshjes bëri gjithçka për të ulur epërsinë, dy herë fituesi i Kupës UEFA, Sevilla, e kishte të mjaftueshme momentin e inspirimit nga kroati Ivan Rakitic që ua dha fitoren e madhe. 

Valencias tashmë i mbetet të kërkojë një rikthim të madh në Mestalla, javën tjetër, ku luhet ndeshja e kthimit para se të përcaktohet definitivisht finalisti i parë i Europa League që do të zhvillohet në Torino.