Shaqiri lëndohet, mungon ndaj Arsenalit

Bayern Munchen ka pësuar edhe një lëndim që do të mund të ndikojë shumë te ata në ndeshjen me Arsenalin në kuadër të Ligës së Kampionëve. 

Ylli kosovar i bavarezëve, Xherdan Shaqiri, që ka qenë njeriu numër një i Pep Guardiolas për zëvendësim të Franck Riberysë në ndeshje ndaj Arsenalit në Ligë të Kampionëve, është lënduar në ndeshje ku shkëlqeu me dy gola. 

Sipas një njoftimi të botuar në Eurosport pak më parë Shaqiri do të mungojë në ndeshjen e parë ndaj Arsenalit në Emirates, pasi që shërimi nga lëndimi pritet të zgjasë së paku dy javë. 

Kështu, Arjen Robben dhe Mario Gotze pritet të jenë zgjedhjet e Guardiolas ndaj Arsenalit në Londër. Ballafaqimi i parë ndërmjet këtyre dy skuadrave bëhet në mesjavën e ardhshme.