FLAMURTARI - FERIZAJI
Shillova mjaftoi për start me fitore
19 August, 2018 @19:00
Flamurtari i Arsim Thaqit ka nisur me fitore Superligën. Ekipi kuqezi nga Prishtina ka pasur një rast të mirë dhe konkret para portës së mysafirëve në pjesë të parë, kur Alban Shillova ka shënuar për 1-0, që doli të jetë edhe vendimtar në këtë takim.
Më vonë gjatë ndeshjes nuk kishte shumë raste, edhepse Ferizaji i drejtuar nga Afrim Tovërlani u mundua për të barazuar, por realizim nuk kishte dhe në fund bardhekaltërit u detyruan të pajtohen me humbje.
Flamurtari në xhiron që vjen është mysafir i kampiones, Drita. Ndërsa Ferizaji pret Lirinë e Prizrenit që nuk ka nisur mirë stinorin.
11-shet startuese:
| FLAMURTARI | Neziri, Maxhuni, Kabashi, Quan-Mensah, Dumani, Zeqiri, Bruqi, Boshnjaku, Shabani, Krasniqi, Shillova. Kryetrajner: Arsim Thaqi. | ||
| FERIZAJI | Istatov, Kaqar, Haxhaj, Mone Marku, Dauti, Jashari, Karabeg, Hamiti, Gashi, Berbatovci. Kryetrajner: Afrim Tovërlani. |
