Të gjitha lajmet

KOLUMNE

Parashikimi për La Liga 2018/19

Parashikimi për La Liga 2018/19

Shkruan: LUAN MORINA

18 August, 2018 @16:25

Largimi i Cristianos vetëm sa do të përmirësoj ligën spanjolle. Do të duhej të kemi një Real më ekipor, me yje të cilat kërkojnë të mbushin hapësirën e lënë nga njëri prej lojtarëve më të mirë që ka luajtur në gadishullin Iberik.

ÇKA DUHET TË BËJ REAL MADRIDI?

S’do të jetë lehtë për Realin, ashtu siç mund të shohim nga finalja e Superkupës së Evropës. Edhe pas ardhjes së Cristianos kanë pasur nevojë për kohë për të ndaluar dominimin e Barcelonës, së paku në nivel kontinental. E më shumë se largimi i Cristianos, Realin do të lëndoj largimi i Zidane. Dhe që të
dy bënë vendimin më të mençur në karrierën e tyre për t’u larguar nga Reali. Klubi mbretëror ka nevojë për kohë dhe këndellje, dhe kushdo që transferohet deri në fund të gushtit, zor që mund të mbajë ritmin e trofeve pranverën e ardhshme në kryeqendrën spanjolle.

PUSHTIMI KATALANAS

Për Realin këtë sezon nevojitet zhvillim i brendshëm, eksperimentim, pjekje, dhe mbi të gjitha durim i tifozëve, diçka që gjithnjë u ka munguar. Për të shfrytëzuar hapësirë kohore të lënë bosh, Barcelona ka bërë nja dy prurje të mira në mesfushë. Për Vidalin të gjithë e dimë se çfarë lojtari është, e për Arthurin na mbetet të shohim.

Asnjëri nga ta nuk mund të zëvendësojë i vetëm Iniestan. As Malcolm s’mundet të zëvendësojë Neymarin, por konkurrenca me Dembelen, mund të ketë anën pozitive. Kanë nxjerrë rreth 65 milionë nga lojtarë që kurrë s’do të arrinin kualitetin e një startuesi të Barcelonës duke shitur Digne, Mina, e Deulofeu tek Evertoni e Watfordi.

Barcelona mbeten ekipi për t’u mposhtur, dhe jo vetëm në La Liga këtë sezon.

ATLETICO E VENDOSUR

Atletico ka bërë gjëra të mira në këtë afat duke siguruar krahë sulmi; një mesfushor të kalibrit që tashmë kanë me Rodrin; krahë të mbrojtjes, ndonëse kanë huazuar Jonnyn tek Wolves menjëherë; portier rezervë me përvojë me Adan; dhe rezervë jo aq të dobët për Diego Costan. Gjëja më pozitive në Superkupën e Evropës ishte gatishmëria e ‘colchoneros’ të mbajnë topin dhe të sulmojnë.

Zakonisht qëndrojnë në defensivë kundër Realit, e sidomos Barcelonës, dhe kjo ka dëmtuar më së shumti në aspektin psikik ata. Këtë vit mund të bëjnë gjëra të mëdha!

KUSH MUND TË PRISH PUNË?

Më e mira që mund të ndodh në La Liga këtë vit është rrezikimi i treshes së parë. Favoriti i parë për të rrezikuar këtë treshe mund të duket Valencia, por me një sezon stabil në pozitën e trajnerit edhe Sevilla mund të bëj të njëjtën gjë. Villarreal e Real Betis do të duhej të ishin ekipet tjera që do të duhej të konkurronin për Evropë.

Bilbao, Sociedad, e Celta do të mbeten të kënaqura me Top10 me gjasë. Alaves, Girona, e si zakonisht sezoneve të fundit Eibar, kanë qenë ekipe që kanë befasuar për të mirë. Hiç më keq nuk kanë mbetur Levante e Getafe.

MBIJETESA

Pozitive do të ishte edhe sikur të kishte një luftë më të hapur për mbijetesë në krahasim me sezonet paraprake kur gati njëzet javë para fundit vetëm mund të shohim pozicionimin e tri ekipeve që largohen. La Liga këtë vit do të jetë ndryshe. Ndryshe për të mirë shpresojmë.

ANGEL CORREA

Milan para marrëveshjes me argjentinasin

23 July, 2019 @0:04

Sky Sport Italia ka bërë të ditur se Milan është pranë arritjes së marrëveshjes me Atletico Madridin për mesfushorin argjentinas,…

OLIVIER TORRES

Përforcimi i nëntë i Sevillës

15 July, 2019 @8:21

Sevilla po vazhdon të shpenzojë këtë verë pasi që ka arritur marrëveshjes me mesfushorin e Portos, Olivier Torres, që tash…

SULMUESI VETERAN

Roberto Soldado lojtar i ri i Granadas

15 July, 2019 @8:14

Ekipi i ardhur këtë stinor në La Liga, Granada, ka kompletuar procedurat dhe ka nënshkruar me sulmuesin Roberto Soldado. …

BARCELONA

Zyrtare: Griezmann te Barcelona

12 July, 2019 @15:38

Pak minuta më parë, kampioni i La Ligas, Barcelona, e zyrtarizoi sulmuesin Antoine Griezmann. Griezmanni ka nënshkruar kontratë pesë vjeçare,…

XABI ALONSO

Kthehet në shtëpi, si trajner

Xabi Alonso duke u prezantuar te ekipi i tij i fëmijërisë. Tash kthehet si trajner/ Foto: Real Sociedad Official/ fb

11 July, 2019 @8:36

Ish mesfushori i Real Sociedadit, Liverpoolit, Real Madridit e Bayern Munchenit, Xabi Alonso, është kthyer te ekipi i tij ku…

Të gjitha lajmet nga La Liga