CHIEVO - JUVENTUS
Foto: juventus.it
Ronaldo debuton në triller
18 August, 2018 @20:24
Juventus ka nisur misionin e mbrojtjes së titullit në Serie A me fitore tejet të vështirë ndaj Chievos, të arritur në momentet e fundit të ndeshjes, 2-3.
Cristiano Ronaldo e pa se çfarë lufte bëhet në Serie A për pikë, ndërsa Chievo pas disavantazhit 0-1, ktheu epërsinë në 2-1.
Sidoqoftë, ka qenë Giorgio Chiellini që shtyu Mattia Banin për autogol të barazimit 2-2 dhe krejt në fund, në minutën e tretë shtesë Federico Bernardeschi shënoi për fitoren e ekipit të Massimiliano Allegrit 2-3.
Te Chievo, Përparim Hetemaj luajti 78 minuta në ndeshje, ndërsa Cristiano Ronaldo kaloi 90 minutëshin e parë të Serie A-së që rezultoi me fitore.
