RAPORTET
Shkarkohet Van Gaal?!
23 May, 2016 @12:29
Ashtu si pritej, Louis Van Gaal, thuhet të jetë shkarkuar nga posti i trajnerit të Manchester Unitedit sot.
Njoftimin e ka bërë të ditur The Mail, mirëpo BBC Sports ende nuk ka arritur të verifikojë këtë lajm.
Van Gaal është paraqitur në ora 9e45 në qendrën stërvitore të Manchester Unitedit sot, ndërsa Jose Mourinho pritet të jetë njeriu që do t’ia zë vendin.
Të njëjtën gjë pak më parë e ka konfirmuar edhe ish reprezentuesi anglez, tash udhëheqës i Match of the Day, Gary Lineker.
Van Gaal nga shkarkimi i parakohshëm i tij do të përfitojë 5 milionë funta si dhe 400 mijë të tjera për triumfin në FA Cup pardje.
United pritet të zyrtarizojë gjithçka brenda ditës.
