CHAMPIONS LEAGUE

Situata interesante në Grupet B dhe C

11 December, 2018 @17:33

Sonte dhe nesër zhvillohet xhiroja e fundit e fazës grupore në Champions League.

Kur jemi te ndeshjet që luhen sonte, në Grupin A gjithçka ka përfunduar sa i përket skuadrave që shkojnë në 1/8 e Champions League e asaj që shkon në Europa League, ndërsa sonte do të mbyllet dilema e fundit, ajo e kryesuesit të grupit.

Interesante është situata në Grupin B, ku për vend të dytë po luftojnë Tottenhami e Interi. Në rast se Interi e mposht PSV-në në shtëpi, kurse Tottenhami nuk fiton në Barcelonë, tutje kalon skuadra italiane, pasi që të dyja skuadrat momentalisht kanë nga 7 pikë.

GRUPET E CHAMPIONS LEAGUE

Ndeshja kryesore e mbrëmjes do të zhvillohet në Grupin C mes Liverpoolit e Napolit në ‘Anfield Road’. Duke e llogaritur që Parisi nuk gabon ndaj Crvena Zvezdës dhe kalon tutje, vendi tjetër që shkon në 1/8 e finales do të vendoset mes Liverpoolit dhe Napolit. Liverpoolit për kalim tutje i duhet një fitore 1-0 apo një fitore me dy gola epërsi nëse Napoli shënon, ndërsa të gjitha rezultatet e tjera i dërgojnë italianët në fazën tjetër.

Sa i përket Grupit D, Porto dhe Schalke veçse e kanë siguruar 1/8 e finales, ndërsa sonte për një vend që dërgon në Europa League do të duelojnë indirekt Galatasaray e Lokomotiva e Moskës.

Më poshtë janë paraqitur të gjitha ndeshjet që luhen sonte sipas grupeve përkatëse: