S’ka ultimatum për Mazzarrin

Pronari i ri i Interit, Erick Thohir, ka thënë se trajneri i skuadrës Walter Mazzarri, nuk ka marrë kurrëfarë ultimatumi për të shpëtuar pozitën e tij si trajner i ekipit. 

Inter ka arritur që të shënojë vetëm 3 fitore nga 8 xhirot e para të Serie A-së dhe ka 10 pikë më pak se lideri Juventus. 

Sidoqoftë, biznesmeni nga Filipinet, Thohir ka thënë se fjalët e tij janë keqinterpretuar sa i përket shkarkimit të Mazzarrit, nëse nuk arrin të fitojë në dy xhirot e ardhshme.

“Jam keqkuptuar. Besoj në punën e trajnerit, ekipit dhe te projekti. Askush nuk i ka dhënë ultimatum Mazzarrit, edhe pse rezultatet janë të rëndësishme,” është cituar të ketë thënë Thohir nga Goal.com për trajnerin 53 vjeçar të ekipit. 

Inter pas 8 xhirove në Serie A, ka regjistruar fitoren e parë si mysafir fundjavën që e lamë pas duke e mposhtur Cesenën pas një penalltie të realizuar nga Mauro Icardi.