S’kam simuluar

Chelsea po e humbte lojën dje nga WBA, kur në minutën e pestë shtesë një ndërhyrje ndaj Ramiresit u akordua si penallti të cilën e realizoi Eden Hazard për rezultatin përfundimtar 2-2. 

Penalltia e Ramiresit u cilësua si kontraverse, tejet e lehtë dhe më shumë simulim i brazilianit, mirëpo vetë ai ka mohuar këtë sot, transmeton ESPN i Brazilit. 

“Asnjëherë nuk simuloj për të fituar faul ose penallti. Nuk është në karakterin tim dhe ata të cilët më njohin e dinë këtë,” ka thënë mesfushori i kombëtares braziliane dhe Chelseat, Ramires. 

Trajneri i WBA-së, Steve Clarke, ka kritikuar referin e ndeshjes, Andre Marriner, për të cilin ka thënë se pa qenë 100% i sigurtë ka dhënë goditjen më të rëndë në futboll. 

Ndërsa Ramires ka marrë kritika të mëdha për mënyrën e të rrëzuarit.