Galata fillon punën në Prizren

Nxënës të shumtë nga mosha 6 deri në 16 vjeçare ishin prezent sot në koktejin e organizuar të SHF Galatasaray Kosova - Prizren. 

Mbi 40 nxënës aderuan në këtë shkollë që në ditën e parë të saj, derisa trajneri i kësaj shkolle për Prizren, Behajdin Gjinali kërkoi nga qytetarët që të sjellin fëmijët në moshë sa më të re ashtu që t’iu përsoset teknika sa më heret që të jetë e mundur. 

Galatasaray Kosova - Prizren, është shkolla e tretë e hapur në Kosovë me licencë nga gjigandi turk, pas asaj në Prishtinë e Gjilan. 

E mira e kësaj shkolle është se fëmijët e talentuar kosovar do të kenë rastin të provohen nga ekspertët e Galatasrayit dhe atë disa herë në vjet. 

E shkolla punon me programin e trajnerit më të madh turk, Fatih Terim.