PARA NDESHJES BESA - DRENICA
Skuadrat ‘e shtëpisë’ duan ikjen nga barazhi
1 October, 2017 @11:15
Një nga 4 ndeshjet e ditës së sotme luhet në Pejë, me Besën e Drenicën që përballen në stadiumin “Shahin Haxhiislami”.
Të dyja skuadrat ndodhen në pozitat që dërgojnë në barazh dhe një fitore do t’i mundësonte secilës prej tyre një ngjitje në tabelë, gjithmonë duke qenë të varura edhe nga rezultatet e tjera të xhiros.
Për t’u përmendur është fakti që pas 7 xhirove, Besa ka 3 fitore në 3 ndeshjet e luajtura në shtëpi kurse ka 4 humbje në të gjitha udhëtimet e saj. Në anën tjetër, edhe Drenica ka 4 humbje në 4 ndeshjet e luajtura në udhëtim, gjë që dëshmon se të dyja këto skuadra janë të forta në shtëpi, kurse hasin në probleme jashtë fushës.
